Requirimento xeral de limpeza da maleza das terras en solo urbano e núcleo rural

Fecha: 2015-06-05

O Concello do Grove para mellorar o ornato da vila, require aos propietarios ou usufrutuarios para que realicen a limpeza de maleza das súas terras situadas en solo urbano ou núcleo rural, entendendo por maleza a vexetación silvestre que supere os 20 cm de altura.

A obriga de limpeza da maleza das terras situadas en solo urbano e núcleo rural está prevista na Ordenanza de policía, bo goberno e medidas para garantir a convivencia cidadá no espazo público do Concello do Grove, publicada na web municipal.

A partir do vindeiro 30 de xuño a Policía Medioambiental vai comprobar o cumprimento desta obriga e aplicaranse as sancións correspondentes citadas na dita ordenanza para os casos de incumprimento.