Ponse en marcha unha limpeza completa dos colectores de lixo

Fecha: 2015-07-27

Logo de que a semana pasada se comezara coa limpeza exterior de todo os colectores, esta semana comezará a limpeza interior dos de orgánico, quedando para a semana próxima a dos de plástico.

Durante a semana pasada xa se realizaron en varias xornadas limpezas externas das colectores de lixo e das zonas onde se sitúan. Deste xeito, na noite de hoxe luns, e na da mañá martes, poderá poñerse en marcha a limpeza interna mediante auga a presión e os correspondentes produtos de desinfección. Estes dous días o esforzo concentrara na limpeza dos colectores de residuos orgánicos, mentres que, xa para vindeira semana, se realizará a limpeza dos de plástico, coincidindo cos días de recollida (luns, mércores e venres).

Esta medida estaba prevista xa desde hai varias semanas, pero a súa eficacia será mínima se non existe colaboración cidadá á hora de respectar o horario para botar o lixo nestes colectores. Os cheiros son causados, sobre todo, polo depósito prolongado de residuos na rúa, especialmente nas horas de máis calor. Por esa razón, unha vez máis, solicítaselle á veciñanza e á xente que nos visita que colaboren no mantemento da limpeza do municipio, axustándose aos horarios establecidos para botar o lixo.