Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

O Concello traballa para poñer en funcionamento sistemas de videovixilancia nos centros educativos

A medida será posta en marcha para evitar os roubos e actos vandálicos que, especialmente no verán, se están producindo nas instalacións dos colexios municipais.

Logo do preocupante aumento de roubos nos distintos centros escolares do Concello, o equipo de Goberno acordou poñer en marcha os equipos de videovixilancia que permiten ter control permanente destas instalacións. No caso do Colexio Rosalía de Castro e do de Conmeniño, o equipamento xa está dispoñible polo que só é precisa a súa posta a punto. Nos outros centros será necesario realizar algunha instalación que, previsiblemente, estará lista nunha semana.

A posta en marcha destes sistemas permitirá a vixilancia a distancia dos accesos e perímetro dos edificios e servirá non só para evitar roubos senón para controlar que non se produzan actos vandálicos que danen as instalacións ou accesos non autorizados. O Concello do Grove agradece tamén a colaboración cidadá para evitar que se faga un mal uso dos espazos públicos dos colexios para garantir que estes se atopen nas mellores condicións posibles cando comece o curso.


Todas as novas