O Concello do Grove lamenta o pasamento de Luís Rei

Fecha: 2015-08-11

O Concello do Grove quere expresar o seu máis fondo pesar pola perda de Luís Rei. Ademais de manifestar as súas condolencias a familiares e amigos do escritor e investigador, é de subliñar o feito de que nos deixa unha persoa que foi referencia no panorama político do Grove.

Trátase dunha perda moi importante para o panorama cultural da nosa vila e en próximas datas o Concello tentará realizar un recoñecemento público á altura da importancia da figura de Luís Rei e ao seu importante legado. Así mesmo, as bandeiras da Casa do Concello ondearán a media hasta.