Día Solidario da Escola de Verán do Grove

Fecha: 2015-08-21

As rapazas e os rapaces da Escola de Verán poñerán un posto de limoada para recadar fondos para unha ONG.

Hoxe venres a rapazada da Escola de Verán do Concello do Grove celebrará o seu particular día solidario. Nesta edición colaborarán con Esperanza Salnés, unha asociación sen fin de lucro que desde 1997 ofrece terapias e tratamentos específicos para persoas con discapacidade coa finalidade de lles dar alternativas asistenciais e mellorar a súa calidade de vida. A iniciativa do alumnado da Escola de Verán será colocar un posto de limoada que ofrecerán, xunto cuns marcapáxinas decorados por eles mesmos, polo simbólico prezo de 1 €. Para este fin, colocarán un posto diante da Casa do Concello entre as 11.00 e as 12.30 h da mañá. 

Logo desa actividade, un grupo cativos achegarase ata o mercado municipal para coñecer os distintos postos e os produtos que alí se ofertan, mentres que outro grupo continuará co máis actividades na casa da cultura. 

Festa Fin de Verán

A partir da vindeira semana, o alumnado da Escola de Verán 2015 comezará a preparar a Festa de Fin de Verán con diferentes actuacións e representacións musicais. O día de celebración da Festa tamén se realizará o sorteo dun agasallo entre aquelas rapazas ou rapaces que superaran o reto “Explora O Grove”, no que as nenas e os nenos que participaron nesta edición da Escola tiveron que fotografarse en distintas locacións da vila e posteriormente recoñecer as imaxes.