Adxudicado o servizo de cafetería da Festa do Marisco

Fecha: 2015-09-28

Por primeira vez desde que se celebra a Festa, o adxudicatario deberá achegarlle 6.000 euros ao Concello para a  explotación do servizo.

O concurso para a explotación da cafetería da Festa do Marisco foi resolto no mediodía do pasado venres. Logo do procedemento administrativo iniciado hai dúas semanas, a mesa de contratación, configurada segundo a normativa establecida, procedeu á apertura de plicas. O concurso estivo aberto desde o 10 ao 18 de setembro e permitía que calquera empresa ou particular puidese participar, despois de ser publicitada a oferta no Boletin Oficial da Provincia e a través da web do Concello.

As condicións esixidas no concurso son as establecidas pola normativa vixente: solvencia técnica e profesional. Os criterios avaliables para a adxudicación eran:

• Melloras relativas á calidade dos materiais, estética e decoración da carpa (ata 20 puntos).
• Melloras propostas en relación coa oferta de actividades culturais e/ou musicais complementarias das organizadas polo Concello (ata 20 puntos)
• Oferta económica; marcándose o prezo mínimo de licitación en 3.500 euros (ata 60 puntos). 

Logo de rematado o prazo, foron tres as empresas locais presentadas: Alfonso Padín, Alfonso Mourelos e Francisco Álvarez. A valoración das propostas realizada pola Mesa de Contratación foi a seguinte:

Logo de revisada a documentación, a Mesa procedeu a adxudicar a cafetería á proposta de maior puntuación. 

Novo procedemento

A saída a concurso da cafetería da Festa do Marisco foi unha medida posta en marcha para evitar o problema das edicións anteriores no relativo á súa adxudicación. Logo das consultas ao persoal técnico municipal, indicouse que o sistema máis obxectivo pasaba por  un concurso aberto onde esta se adxudicase á mellor poxa.

Lémbrase ademais que todos os veciños e veciñas que así o desexen poden consultar a documentación presentada e todo o procedemento realizado.