Dez equipos confirmados na Liga Municipal de Fútbol Sala

Fecha: 2016-02-09

Este venres remata o prazo de inscrición e os partidos comezará o vindeiro martes. 

A día de hoxe xa son 10 os equipos conformados para tomar parte na Liga Municipal de Fútbol Sala. Ata o vindeiro venres estará aberto o prazo para que os que o desexen poidan pasar polo Concello a inscribirse, xa que poden participar ata 12 agrupacións. O vindeiro venres ás 20.00 horas terá lugar a reunión con todos os participantes para poder informalos das normas da competición así como do trámite de inscrición de xogadores ou da elaboración das actas. 

A competición comezará o martes, 16 de febreiro, con tres partidos ás 21.00, 22.00 e 23.00 horas. Logo dos partidos que configuran a liga comezará a competición de copa, co que os equipos estarán en xogo ata o mes de xuño. Lembramos que a inscrición nesta liga é gratuíta este ano.