Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

O Concello do Grove pon en marcha a recollida de roupa para os refuxiados sirios

Poderase depositar na Base de Emerxencias do Concello na zona de Borreiros. 

O Concello do Grove ven de organizar unha recollida de roupa para os refuxiados sirios. Os veciños e veciñas que queiran colaborar poderán depositar as súas doazóns na Base de Emerxencias que está situada no barrio de Borreiros (ao lado das dependencias da Garda Civil) os días 5, 6 e 7 de abril en horario de 9 a 13 e de 16 a 20 horas. 

Inicialmente tan só se abre un prazo de tres días para a recollida pero en función da resposta recibida e do volume recollido poderán habilitarse máis días. Agárdase unha participación importante dos veciños e veciñas do Grove que xa teñen manifestado as súas consultas sobre como poder colaborar. O Concello, pola súa banda, xa estableceu contactos para artellar o sistema de envío do material recollido aos afectados.


Todas as novas