Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

Os taxistas deciden non modificar a parada de taxis

Na reunión mantida onte no Concello tomouse a decisión final de non facer cambios. 

O Concello do Grove convocou aos autopatróns a unha reunión que se celebrou na tarde de onte na Sala das Cunchas. O motivo era buscar unha solución definitiva á solicitude realizada xa hai meses atrás no relativo a trasladar a parada situada ao final da rúa Castelao para a avenida de Beiramar.

En reunións anteriores xa se presentara un informe positivo da Policía Local ao respecto facendo matizacións no relativa á compatibilidade da actividade dos taxistas coas distintas celebracións e eventos que se desenvolven na zona da praza do Corgo. Sobre este informe foron presentadas varias propostas (situación dos vehículos nas distintas marxes da avenida) e tamén se analizaron os custos que suporía a colocación dunha marquesiña na zona.

Logo de valorar todos os elementos a favor e en contra deste cambio, os asistentes á reunión consideraron maioritariamente non realizar o traslado, polo que a parada actual se manterá nas mesmas condicións. Neste encontro tamén se informou de que o cambio podería ser levado a cabo no futuro por parte do Concello se for preciso para mellorar o tráfico da zona.


Todas as novas