Axudas municipais para adquisición de libros de texto e material escolar (curso 2016-2017)

Fecha: 2016-05-30

A Concellería de Asuntos Sociais do Concello do Grove informa que a partir do día 1 de xuño e ata o 30 do mesmo mes estará aberto o prazo de presentación das solicitudes de axudas municipais para a adquisición de libros e material escolar do vindeiro curso 2016-2017. As ditas axudas van dirixidas a educación infantil, ensinanza primaria e ensinanza secundaria obrigatoria.

As axudas concederanse tendo en conta o nivel de ingresos familiares e será requisito imprescindible cursar estudos en centros sostidos con fondos públicos do concello do Grove.

As solicitudes presentaranse acompañadas da seguinte documentación: 

• Fotocopia do DNI da persoa solicitante
• Fotocopia do libro de familia (de todas as follas).
• Volante de empadroamento familiar
• Xustificante de ingresos de todos os membros da unidade de convivencia (preferentemente, declaración da Renda do exercicio de 2015)
• Nota do colexio onde se faga constar o curso que se realiza

As solicitudes presentaranse no departamento de Servizos Sociais do Concello do Grove, situado no edifício administrativo municipal, rúa Alcalde Xacobe Barral Otero, 3, 2º andar.