Representantes da Axencia Galega de Turismo explicarán a nova normativa sobre vivendas de uso turístico

Fecha: 2016-07-19

O mércores ás 17.00 horas a Sala das Cunchas acollerá unha charla informativa sobre a normativa elaborada pola Xunta de Galicia. 

O director de Competitividade da Axencia Galega de Turismo, José Luis Maestre, será o encargado de presentar aos interesados as novidades existentes no relativo á normativa de alugamento de vivendas de uso turístico que previsiblemente será aprobada despois do verán.

Estas charlas xa se teñen desenvolvido en distintos puntos turísticos de Galicia (como Santiago, Baiona ou Sanxenxo). O Concello do Grove solicitoulle á Axencia Galega de Turismo que tamén informara aos veciños e veciñas da localidade xa que se trata dunha zona cun grande número de vivendas que previsiblemente se verán afectadas por este novo regulamento.

A charla está aberta a todo o público e permitirá que os presentes expoñan as dúbidas oportunas. Desde o Concello do Grove incídese na importancia desta charla para coñecer de primeira man os cambios e novidades que afectarán a práctica do alugamento de vacacións de vivendas e por iso anima a veciñanza a asistir.