Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

O Concello inaugura unha exposición de imaxes da Toxa nunca vistas no Grove

Grazas ao traballo do investigador local Francisco Meis, foi posible recompilar 30 imaxes inéditas. 

Mañá, venres, ás 20.00 horas a Sala das Cunchas do Concello do Grove acollerá a inauguración da exposición de fotografía “A Toxa: imaxes inéditas”. Trátase de 30 imaxes recollidas do Arquivo do Museo de Pontevedra, do Arquivo Pacheco en Vigo e do Arquivo do Museo Nacional de Artes Decorativas de Madrid que non son coñecidas no noso Concello e que achegan novos puntos de vista da illa meca.

Desde o esplendor do Gran Hotel e os seus visitantes ata escenas máis cotiás dos traballadores da illa, pasando por episodios históricos como a acollida dos “nenos da guerra”, as imaxes recompiladas estarán á disposición dos visitantes ata o vindeiro 4 de setembro na Sala das Cunchas e a Sala das Dornas da Casa do Concello. 

Todas as imaxes contan cunha gran calidade e bo estado de conservación, o que fai que estas pezas resulten inda máis valiosas. O Concello do Grove tense encargouse de mercar os seus dereitos, polo que pasarán a formar parte do patrimonio municipal.


Todas as novas