Novo obradoiro de animación á lectura

Fecha: 2016-11-09

A Rede Bibliotecas do Grove pon en marcha un novo taller de animación á lectura destinado á rapazada de 6 a 10 anos.

O taller, a cargo Atenea García, desenvolverase na Biblioteca municipal do Grove os sábados 19 e 26 de novembro en horario de 11:00 a 12:15 h.

A actividade é de balde, pero as prazas son limitadas polo que é necesaria inscrición previa nas bibliotecas, no tfno. 986 732 341, no email biblioteca@concellodogrove.es ou por privado ao Facebook.

Remexendo emocións é un obradoiro de animáción á lectura que tenta explorar as principais emocións utilizando como vehículo a experiencia artística.

A través de diversas dinámicas; como o xogo musical, a expresión corporal e a emisión vocal tentaremos analizar os cambios que se producen no corpo segundo o noso estado emocional. Ademais tentaremos achegar ás participantes material literario relacionado coa temática do obradoiro, ampliando deste xeito os seus recursos bibliográficos.