Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

Prestación económica de pagamento único por fillas e fillos menores de 3 anos

No DOG de hoxe saíu publicada a prestación económica de pagamento único por fillas e fillos menores de tres anos. 

Persoas beneficiarias:

  • As persoas con fillos ou fillas menores de tres anos o 1 de xaneiro de 2017(nacidos ou nacidas entre o 2/1/2014 e o 1/1/7, inclusive)
  • Fillos ou fillas adoptadas ou acollidas entre o 31/12/2015 e 31/12/2016
  • Serán beneficiarias desta prestación aquelas persoas que non teñan feita a declaración da renda do exercicio 2015

Contía da axuda:

A prestación consistirá nun pagamento único por cada filla ou fillo menor de tres anos sen que a mesma filla ou fillo poida dar lugar a máis dunha prestación en virtude desta convocatoria. A contía será a seguinte:

  • Cando sexa a primeira filla ou fillo: 360 euros.
  • Cando sexa a segunda filla ou fillo: 1.200 euros.
  • Cando sexa a terceira ou terceiro e sucesivos: 2.400 euros.

Documentación:

  • Fotocopia do Libro de Familia ou certificación literal de nacemento do Rexistro Civil de cada unha das fillas ou fillos da persoa solicitante, para os efectos de acreditar a data de nacemento e o número de orde que ocupa a filla ou fillo na descendencia da persoa solicitante.
  • Certificado de empadroamento conxunto de toda a unidade familiar (a antigüidade máxima do mesmo será de 6 meses).
  • No caso de nulidade, separación ou divorcio copia da sentenza ou da resolución xudicial que estableza as medidas paterno-filiais dos fillos e fillas comúns, acompañada, de ser o caso, do correspondente convenio regulador.
  • Copia da resolución xudicial ou administrativa que declare a adopción ou acollemento, no suposto de que a súa formalización se realizase noutra comunidade autónoma, de ser o caso.
  • Anexo II debidamente cuberto e asinado pola persoa proxenitora que non figure como solicitante e que forme parte da unidade familiar. De non achegar este documento, deberá xustificarse presentando a documentación que figura na letras c) deste artigo ou certificado de monoparentalidade expedido pola Dirección Xeral de Familia, Infancia e Dinamización Demográfica da Consellería de Política Social, só no caso de denegar expresamente a súa consulta.

Prazo de presentación:

Desde o 4 de abril ata o 29 de maio de 2017, ambos incluídos

Información e solicitudes:

Servizos Sociais Comunitarios do Concello do Grove Rúa do Matadoiro s/n (antigas dependencias da Policía Local)

Tlf: 986 733 334


Todas as novas