A Rede de Bibliotecas adapta os seus horarios para lle dar servizo ao estudantado do Grove

Fecha: 2017-06-23

A Rede de Bibliotecas do Concello do Grove manterá o seu horario de inverno ata o 14 de xullo co fin de lle dar servizo ao estudantado universitario que xeralmente emprega este espazo para preparar os exames finais.

Atendendo ao novo calendario de “Bolonia” das universidades, as e os estudantes rematarán os seus exames de segunda convocatoria nesa data, polo que se manterá o horario de 9.00 a 14.00 e de 16.30 a 20.30 horas, garantindo que conten con tempo suficiente para poderen usar este espazo. A partir do 17 de xullo comezará o horario intensivo de 9.00 a 15.00 horas. 

No referido á Axencia de Lectura de San Vicente, o horario de verán comezará xa o 26 de xuño. A partir desa data, as usuarios e  usuarios contarán co servizo de 9.00 a 14.00 horas.