Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

O tango chega á praza do Corgo este sábado

Cultura no Camiño achega ao Grove a actividade de danza Tango en Galicia.

Dentro da variada programación cultural de verán do Concello do Grove, este sábado a veciñanza e as persoas que nos visitan poderán gozar dun espectáculo de danza da man do grupo Tango en Galicia. Trátase dun espectáculo lúdico participativo no que se involucra o público presente, recreando un salón de baile e cunha miniclase de demostración para poder incorporar o público ao baile orixinal.

O espectáculo terá lugar este sábado 19 de agosto na praza do Corgo a partir das 21.00 horas e pasa por ser unha das actividades máis dinámicas das previstas este verán. O evento conta coa colaboración do programa Cultura no Camiño da Xunta de Galicia en colaboración coa Axencia Galega de Industrias Culturais (Agadic).


Todas as novas