Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

Vellos Tempos celebra o Día de Rosalía

O servizo de Vellos Tempos en Virxe das Mareas e nas Valadas dedicou a xornada a escritora Rosalía de Castro con actividades, poesía e “caldo de gloria”.

O pasado venres 23 de febreiro, Vellos Tempos contou coa visita do responsable do Servizo de Normalización Lingüística do Concello do Grove e sumouse á iniciativa da Fundación Rosalía de Castro para conmemorar o Día de Rosalía de 2018. Así, para celebrar o aniversario da escritora máis universal da lingua galega, os participantes de Vellos Tempos cociñaron o “Caldo de Gloria”, inspirado no seu poema “Miña casiña, meu lar” de Follas Novas no que a poetisa explica como facer un caldo humilde, transmitido a diaria supervivencia dos fogares galegos menos favorecidos.

Ademais desta conmemoración gastronómica os participantes en Vellos Tempos realizaron actividades vinculadas coa figura de Rosalía, confeccionando un mural, escoitando unha charla relativa á traxectoria vital e creativa da homenaxe e incluso recitando poemas ou escoitándoos musicados da man de Amancio Prada ou Narf.

Debe destacarse a colaboración do Supermercado O Bicho de o Bar Blanco que contribuíron para facer posible esta actividade.


Todas as novas