Presentación do curso 2010-2011 na Escola de Persoas Adultas
Fecha: 2010-09-21
Este venres 24 de setembro farase a presentación do Curso Escolar 2010-2011, especialmente para o novo alumnado, na Escola de Persoas Adultas do Concello do Grove (aula da escola infantil do Monte da Vila).
Das 18.00 h en diante, en quendas de aproximadamente media hora, daranse explicacións sobre o funcionamento da escola, horarios, calendario e método de traballo.
Tamén se recollerán durante as tardes do martes, mércores e venres as inscricións daquelas persoas que aínda non estean anotadas. Deberán traer:
- certificado de estudos (os antigos alumnos/as non o necesitan)
- 2 fotocopias do DNI
- 3 fotos carné (os antigos alumnos/as, 2 fotos e mais o carné vello)
- 1 fotocopia da tarxeta sanitaria ou da Seguridade Social (todo o mundo, incluso quen xa estea pre-inscrito)
- 2 euros (cambiados) para pagar o sobre de matrícula
- as persoas menores de 28 anos que se van matricular en 3.º ou 4.º tamén achegarán 1,12 euros para o seguro escolar.