Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

O Concello do Grove ofrece un obradoiro de xoguetes tradicionais

A actividade celebrarase na Escola Infantil do Monte da Vila no mes de decembro.

O Concello do Grove informa da celebración dun obradoiro de xoguetes tradicionais que se desenvolve dentro do programa “Tecendo Lazos” da Deputación de Pontevedra. Esta actividade está dirixida a persoas de entre 6 e 99 anos, tendo preferencia as que formen parte da mesma familia, se inscriban xuntas e pertenzan a distintas xeracións (netas e netos, avoas e avós, fillas e fillos, nais e pais…). As nenas e nenos de menos de 12 anos deberán acudir sempre en compañía dunha persoa adulta e entre 12 e 17 precisan do consentimento escrito do nai, pai, titora ou titor.

A actividade terá lugar os días 10, 14, 17,19 e 21 de decembro de 17.00 a 21.00 horas nas instalacións da Escola Infantil do Monte da vila. Para inscribirse tan só é preciso cubrir a solicitude e presentar unha fotocopia do DNI na Oficina Municipal de Información Xuvenil (OMIX), situada no segundo andar da Casa do Concello. O prazo de presentación remata o 29 de novembro.

Documentación paraa presentar:

  • modelo de solicitude
  • fotocopia de DNI
  • autorización materna/paterna (nos casos indicados).

Máis información e solicitudes de participación>


Todas as novas