Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

O Concello do Grove entrega este domingo o XXIV Premio Manuel Lueiro de Novela Curta nunha gala literaria e musical

Celebrarase a partir das 19.30 horas na carpa institucional da praza do Corgo e será presentada pola poetisa Yolanda Castaño.

Contará con recitais de poesía a cargo do colectivo Letra Enxebre e as actuacións musicais de Clara Pino e Pablo Vidal.

O Concello do Grove organiza para este domingo unha gala na que se lle entregará o XXIV Premio Manuel Lueiro Rey de Novela Curta a Diego Alfonsín pola súa obra Non o saben as estrelas.

O evento estará dirixido pola poeta galega Yolanda Castaño e contará coa presenza da familia de Lueiro Rey e a intervención dos membros do xurado e de Fran Alonso en representación da editorial Xerais, encargada da edición do Premio.

Con esta gala o Concello do Grove tamén quere destacar a importancia da creación literaria e musical en galego, con lecturas de poesía en galego a cargo de Queco Fresco e Rodrigo Paz, do colectivo poético Letra Enxebre.

Así mesmo, o acto estará amenizado pola música de Clara Pino e Pablo Vidal, que deleitarán o público con catro pezas musicadas con arpa, contrabaixo, acordeón, guitarra acústica e chelo.

Desde o Concello do Grove queremos convidar a toda a veciñanza a participar nesta velada na que se pon de manifesto a importancia da creación literaria e artística en galego.


Todas as novas