Axudas para o cofinanciamento dos servizos de comedor escolar
A OMIX anuncia a convocatoria de axudas destinadas ao cofinaciamento dos servizos de comedor escolar xestionadas polas asociacións de nais e pais do alumnado dos centros públicos non universitarios dependentes da Consellería de Educación e Ordenación Universitaria para o curso 2010-2011.
Irán destinadas a sufragar os seguintes conceptos:
- O custo diario de menú por comensal e polos días de asistencia destes ao comedor, así como a vixilancia e coidado do alumnado durante o uso do servizo do comedor e o desenvolvemento dos programas de promoción da saúde e as habilidades persoais complementarias do servizo.
- Os gastos correntes en que incorran estas asociacións como consecuencia da xestión do comedor, cun máximo do 3% do importe total do custo do servizo de comedor e sen que supere os 2 000 €.
- Os gastos ocasionados pola contratación de pólizas de seguros vinculados directamente á prestación do servizo de comedor escolar.
- Os gastos de contratación de persoal que desenvolva o labor de atención ao alumnado con necesidades específicas.
Estas axudas poderán sufragar ata un máximo do 50% do custo do servizo de comedor do centro escolar correspondente.
Prazo para a presentación de solicitudes:
Será dun mes contado a partir do día seguinte a aquel en que se publique esta orde no DOG (06/10/2010).
Máis información:
DOG núm. 193, do mércores 6 de outubro de 2010
Oficina Municipal de Información Xuvenil (Casa Azul). Rúa Castelao, 173