Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

AS FLORERÍAS DO GROVE FARÁN ENVÍOS DE FLORES AO CEMITERIO MUNICIPAL

O Concello do Grove abre unha vía que permite o envío de flores ao cemiterio municipal a través das florerías locais, para que a veciñanza poida honrar as súas persoas defuntas con garantías de seguridade durante a crise do coronavirus.

O cemiterio municipal permanece pechado ao público desde a entrada en vigor das medidas establecidas para controlar a Covid-19. Con esta medida, as persoas que o desexen poden facerlles chegar flores ao seus defuntos, tras encargarllas por teléfono ou por internet á florería, e será o persoal da propia florería quen as traslade ata a instalación municipal e as coloque na sepultura ou no nicho indicados.

Este servizo estará dispoñible unicamente os días laborables desde as 9.00 ata as 13.00 h.


Todas as novas