O CONCELLO DO GROVE ADXUDICA AS OBRAS DE MELLORA DA RÚA CANTABRIA NO BARRIO DO SINEIRO
Trátase da primeira intervención dentro do Plan integral de mellora da zona do que xa foron informados os veciños e veciñas.
A Xunta de Goberno Local do Concello do Grove que tivo lugar onte puxo en marcha o proceso de contratación de obras de mellora na rúa Cantabria, unha das incluídas no Plan integral de mellora do Sineiro. En concreto trátase de actuacións no saneamento e no propio firme da rúa, que actualmente se atopa en mal estado. A idea é que a fins de novembro poida comezarse con esa rúa e, pouco a pouco (en función dos fondos dispoñibles), poder ir atendendo as numerosas rúas desta zona que, a día de hoxe, son das que se atopan en peores condicións dentro do núcleo urbano da localidade.