Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

O CONCELLO DO GROVE RECIBE MÁIS DE 1000 VISITANTES NA OFICINA DE TURISMO DA PRAZA DO CORGO

Coa apertura da Oficina de Turismo no mes de xuño atendéronse preto de 400 consultas.

A Oficina de Turismo do Grove estivo aberta no mes de xuño en horario de mañá e tarde e foron atendidas case 400 consultas presenciais. Isto supón un total de máis de 1000 visitantes.

Así mesmo respondéronse os correos pendentes e as chamadas acumuladas durante todo o mes e tamén comezou de novo a inserción de comunicacións a través das redes sociais.

Unha das principais demandas de información está relacionada co Parque Nacional das Illas Atlánticas e coas posibilidades que existen na actualidade para visitalo.

Tendo en conta que no mes de xuño de 2020 a Oficina de Turismo aínda permanecía pechada por mor da pandemia, e tomando como referencia 2019, apréciase unha diferenza de algo máis de 500 visitas con respecto a 2021. Tamén é de destacar que se están a recibir mais visitas do norte de España que doutras zonas, deixando así de ser Madrid o principal emisor de turistas. Outro dato relevante é o incremento que se deu na alta de vivendas de uso turístico no municipio, que pasa de 295 no ano 2019 a 420 este ano.


Todas as novas