Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

O CONCELLO DO GROVE PON EN MARCHA DE NOVO A ACTIVIDADE DEPORTIVA DA ‘SEMANA BRANCA’ EN ANDORRA

A veciñanza interesada na práctica do esquí e do snow poderá practicar estes deportes do 6 ao 11 de marzo do vindeiro ano no principado pirenaico 

O Concello do Grove, a través da Concellería de Deportes, acaba de abrir a inscrición para a sexta edición da actividade “Semana Branca” en Andorra, que terá lugar entre o 6 e o 11 de marzo de 2022.

Trátase dunha actividade que pretende facilitarlles a práctica dos deportes de neve ás persoas do municipio nun lugar privilexiado por un prezo moi axustado, 549 euros por persoa, que inclúe, ademais da viaxe en autocar gran turismo e do seguro de viaxe, 5 noites de aloxamento en réxime de media pensión, 5 merendas, 5 días de “Forfait Grandvalira” con acceso a todos os sectores, 15 horas de clases colectivas de esquí ou snow con monitores profesionais na propia estación, 5 comidas en pista tipo “menú express”, 5 días de alugamento de material de esquí estándar e libre acceso ás zonas de relax da estación (piscina climatizada, sauna, jacuzzi e ximnasio).

As persoas interesadas en participar nesta actividade deberán inscribirse na axencia de viaxes ViabusTravel, situada no número 20 da rúa Sineiro do Grove, ou chamando ao teléfono 986 732 336.


Todas as novas