DITAMINADOS OS PREMIOS DO XI CONCURSO DE FOTOGRAFÍA POLO DÍA INTERNACIONAL DAS MULLERES

Fecha: 2022-03-28

As fotos finalistas poderanse ver ata o 15 de abril nunha exposición na Casa do Concello.

O xurado do IX Concurso de Fotografía polo Día Internacional das Mulleres reuniuse telematicamente a pasada semana para seleccionar as fotografías gañadoras nesta edición do certame. O concurso contou cunha importante participación, xa que foron 87 as fotografías presentadas, que chegaron ao Grove desde distintos lugares de Galicia, de España e mesmo do estranxeiro. O xurado estivo formado por integrantes do Consello Local de Igualdade e por profesionais da fotografía.

O primeiro premio, dotado con 350 euros, recaeu en Enrique Balenzategui Arbizu, de Navarra, pola súa fotografía titulada “Power”; o segundo, de 250 euros, en Nirioxis Belén Rodríguez Pérez, de Dena (Meaño), quen foi galardoada pola súa instantánea titulada “Danza de la esperanza. Autorretrato”; o terceiro premio, de 150 euros, foi para Begoña Cosin Moya, de Puerto Sagunto (Valencia), pola súa foto “Non stop”. Por último, o Premio Impulso á Promoción da Muller quedou deserto.

O xurado, composto por Ana María Gondar, Nuria Atanes, Dunia Álvarez, María López, María del Pilar Naveiro e Dolores Moldes, elixiu as fotografías premiadas e tamén preseleccionou as obras presentadas para formaren parte dunha exposición que poderá ser visitada na Sala das Dornas da Casa do Concello ata mediados do vindeiro mes de abril.