Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

Abre o prazo de confirmación da matrícula de Educación Infantil (0-3)

 O Concello de O Grove prosigue a traballar nas xestións que permitan dar unha solución de conciliación ás familias que quedaron sen praza na Escola Infantil de Rons, facendo todos os traballos precisos para por en marcha un Punto de Atención á Infancia, nas instalacións do coñecido como “Colexio das Monxas”. Unha vez feitos todos os informes, e acondicionado o local, estanse a facer todos os trámites para poder dar inicio a actividade do PAI.

No mes de Xullo fíxose unha pre-matrícula. E agora, ábrese un prazo de confirmación da mesma, para que todas as familias que fixeron pre-matrícula, confirmen a praza para o curso 2022-2023. Unha vez rematado o período de confirmación, abrirase un prazo de matriculación para cubrir as prazas vacantes, en caso necesario.

Recordamos que o Punto de Atención á Infancia, acollerá 20 crianzas, de 0 a 3 anos, de xeito unitario. O horario total de apertura do centro será de 8 a 16 horas, de luns a venres, e permitirá a opción de servizo de comedor para as familias interesadas, con un servizo de catering externo.

O prazo de confirmación de matrícula comeza o xoves 10 de novembro, ata o día 17 do mesmo mes, e esta deberá facerse a través do Rexistro municipal en horario de 9.00 a 14.00 horas. Os impresos de matrícula poden descargarse na web Concello do Grove ou premendo na seguinte ligazón:

FORMULARIO MATRICULA


Todas as novas