O CONCELLO DO GROVE CONVOCA SUBVENCIÓNS PARA OS CLUBES DEPORTIVOS DA VILA ANO 2026

Fecha: 2026-07-14

O Grove, 14 de xullo de 2026.- No BOPPO núm.131 de 13 de xullo publicouse o extracto das Bases e Convocatoria para a concesión de subvencións a clubes deportivos da vila no ano 2026.

Esta convocatoria ten por obxecto regular as normas polas cales se rexerán a concesión en concorrencia competitiva de subvencións aos clubes deportivos do Concello do Grove para sufragar parte dos gastos que lles ocasine a promoción de actividades deportivas de interese municipal, fundamentalmente aquelas que apoien o deporte de base.

O texto completo das Bases pode consultarse na Sede electrónica do Concello do Grove, no enlace https://concellodogrove.sedelectronica.gal/preview-document/dc5a39e3-edbf-46af-ade1-aea72fadf702/  e na Base de Datos Nacional de Subvencións https://www.pap.hacienda.gob.es/bdnstrans/GE/es/convocatorias/911614

As asociacións ou entidades deportivas que desexen acceder a estas axudas teñen nun prazo de 30 días naturais, contados a partir do seguinte ao da publicación do extracto das bases no Boletín Oficial da Provincia, para presentar as súas solicitudes no Rexistro Xeral Electrónico do Concello do Grove ou en calquera das formas previstas no artigo 16.4 da Lei 39/2015, do 1 de outubro, do procedemento administrativo común das administracións públicas.