En novembro volve haber ITV no Grove

Fecha: 2011-10-10

A mediados do vindeiro mes de novembro, concretamente do día 14 ao 17 (ambos incluídos), unha unidade móbil de Supervisión y Control, entidade concesionaria da Xunta de Galicia que ten como actividade a inspección técnica de vehículos (ITV) no eido xeográfico da Comunidade Autónoma de Galicia, desprazarase ata o noso municipio para realizar inspeccións técnicas periódicas de vehículos lixeiros (masa igual ou menor de 3500 kg) e vehículos agrícolas (vehículos sen carga). Con todo, a admisión de vehículos con características particulares estará condicionada á posibilidade de realizar as operacións de inspección regulamentarias.

O lugar da cita será, como de costume, a explanada do peirao. O horario, de nove da mañá a unha e media e de catro e media a seis da tarde, agás o día 17, que só haberá inspeccións pola mañá.

Pódese pedir cita previa no teléfono 881 920 981.