Últimos días para inscribirse nas probas do Celga

Fecha: 2009-10-03

O prazo de inscrición nos exames da convocatoria de novembro das probas do Celga rematará o próximo 12 de outubro. En Galicia, as probas terán lugar en Vigo, Santiago de Compostela, Lugo, A Coruña e Ourense nas datas seguintes:

• Celga 4: 21 de novembro de 2009
• Celga 2: 22 de novembro de 2009
• Celga 3: 28 de novembro de 2009
• Celga 1: 29 de novembro de 2009

Os lugares concretos en que se realizarán as probas indicaranse cando se fagan públicas as listaxes de admitidos e admitidas para a convocatoria.

O importe da taxa para inscribirse nas probas será de 15,61 euros.

A inscrición poderase realizar mediante a presentación da solicitude que figura no anexo I da convocatoria. Enviaráselle á Secretaría Xeral de Política Lingüística se pretende presentarse ás probas en Santiago de Compostela ou aos gabinetes provinciais de Política Lingüística das provincias en que pretenda realizar as probas. Pódese presentar directamente no Rexistro central da Xunta de Galicia, nos das súas delegacións provinciais ou territoriais ou por calquera dos medios previstos no artigo 38.4.º da Lei 30/1992, do 26 de novembro. Tamén se pode presentar no Rexistro do Concello do Grove a través do Portelo Único.

Máis información no SNL do Concello do Grove (Casa da Cultura Manuel Lueiro Rey, baixo).