Cancélase o obradoiro de corresponsabilidade para homes programado para hoxe
O CIM cancela o obradoiro de corresponsabilidade para homes programado para a tarde do venres 16 de outubro debido ao baixo número de inscricións.
O obxectivo deste obradoiro é o de proporcionar unha formación básica para desenvolver eficazmente as tarefas domésticas máis usuais e rachar así cos roles de xénero.
Considérase unha actividade de interese ao mesmo tempo que pode resultar moi divertida, xa que ademais de aprender cousas como pasar o ferro ou as técnicas máis adecuadas para lavar a roupa, os homes tamén cociñarán e poderán degustar os pratos que preparen.
Espérase volver realizar este obradoiro máis adiante e poder contar con maior afluencia de homes interesados.
O CIM informará proximamente das vindeiras datas en que se convocará esta actividade.
Os interesados poden inscribirse cando o desexen no Centro de Información ás Mulleres (tel.: 986 730 900).
Esta actividade está organizada polo Servizo Galego de Igualdade e cofinanciado polo Fondo Social Europeo e o Instituto da Muller.