Encontros dos Axóuxeres no Grove

Fecha: 2009-10-19

O vindeiro sábado 24 de outubro, ás 18.00 h, teremos na Casa da Cultura Manuel Lueiro Rey do Grove os Encontros dos Axóuxeres 2009, un programa de dinamización lingüística da Secretaría Xeral de Política Lingüística que se enmarca dentro da campaña E Logo! e que ten como obxectivo específico favorecer a transmisión da lingua galega nas idades máis temperás a través dun espectáculo que conxuga palabras, emocións, xogos e música para que os máis pequenos falen, canten e gocen en galego. Un espectáculo para os bebés e para toda a familia.

Para acudir, cómpre reservar praza gratis chamando ao teléfono 686 160 879 (de luns a venres de 9.00 a 16.00 h).