Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

Preto de 25 persoas participan no programa 'Esta Semana Santa… goza en familia'

O luns e o martes organízanse na Casa da Cultura obradoiros de papel maché e xoguetes con material de refugallo

Un grupo de 25 persoas, entre nenos, pais ou incluso avós, participan o luns e o martes no programa “Esta Semana Santa… goza en familia!”, co que a Concellería de Educación pretende fomentar a relación e o recoñecemento entre adultos e nenos, ao mesmo tempo que se ofrecen actividades lúdicas coas que gozar durante as vacacións escolares en compañía da familia. Así, de 11.00 a 13.00 horas, na Casa da Cultura do Grove, organizaranse xornadas de ocio para nais/pais con fillos; tías/tíos con sobriños; padriños/madriñas con afillados; ou avoas/avós con netos.

O luns 25 proponse a actividade xoguetes con material de refugallo, mentres que o martes 26, á mesma hora, será o obradoiro de papel maché. Ambos talleres son gratuítos e están dirixidos para nenos de 4 a 10 anos e os seus acompañantes.

Estes talleres queren ser un lugar de encontro nun contexto diferente e con outras familias, o cal vai aportar o descubrimento de novos espazos na relación. Tamén é un xeito de crear confianza, reforzar os vínculos e ao mesmo tempo dar espazo á independencia na relación entre pais e fillos. Compartir xogos, risas, exercicios de contacto, estimula a comunicación entre as familias.


Todas as novas