Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

Segunda sesión de traballo do SPAD dirixida aos pais e nais do alumnado de secundaria sobre intelixencia emocional e resilencia

O Servizo Preventivo-Asistencial de Drogodepencias (SPAD) do Concello do Grove, en colaboración cos Departamentos de Orientación do IES As Bizocas e do IES Monte da Vila deste concello convoca os pais e as nais do alumnado da ESO á segunda sesión de traballo sobre Intelixencia Emocional e Resilencia.

Nesta sesión centrarémonos neste último aspecto, a resiliencia, que é o convencemento que ten un individuo ou equipo en superar os obstáculos de maneira exitosa, sen pensar na derrota a pesar de que os resultados estean en contra (E. Machacon 2011).

Desde a neurociencia considérase que as persoas máis resilentes teñen maior equilibrio emocional fronte ás situacións de estrés, soportando mellor a presión. Isto permítelles unha sensación de control fronte aos acontecementos e maior capacidade para afrontar retos (Instituto Español de Resiliencia).

A familia é o ambiente onde máis aprendemos ao longo da vida e a adolescencia, é unha etapa na que pais, nais e fillos/as teñen que facer un maior esforzo para ser capaces de afrontar adecuadamente as emocións duns e outros, o que lles vai a facilitar afrontar unha etapa xeralmente chea de turbulencias e incertezas.

A resilencia é a capacidade de saír fortalecido das situacións adversas e os seus piares son o que imos traballar na sesión do próximo martes: 

  • Como enriquecer os vínculos prosociais.

  • Fixar límites claros e firmes.

  • Favorecer a autonomía, a autoestima....

E, concretamente, como mitigar os factores de risco e incrementar os recursos/habilidades persoais.

Coa finalidade de poder ampliar información sobre este tema e poder aplicalo cos seus fillos ou fillas, animamos os pais e as nais do alumnado de educación secundaria a que participen nesta sesión de traballo.


Todas as novas