Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

Este sábado continúan as actividades do programa 'A noite é nova'

O vindeiro sábado,11 de maio, seguen as actividades de “A noite é nova”, unha nova actividade de xuventude que ofrece unha alternativa de lecer para as noites dos sábados que se realizarán a partir das 11 da noite no pavillón de deportes e a casa da cultura.

Obradoiros gratuítos onde vós sodes protagonistas.

HORARIO

OBRADOIRO

LUGAR

23:00

HIP-HOP BREAK DANCING

SALÓN DE ACTOS CASA DA CULTURA

23:00

COCIÑA SAUDABLE

SALA POLIVALENTE PAVILLÓN DEPORTES

23:30

FÚTBOL 3x3

PISTA 1 PAVILLÓN DEPORTES

0:10

CUSTOMIZAXE DE ROUPA

PISTA 2 PAVILLÓN DOS DEPORTES

0:10

AUTO-MAQUILLAXE

XIMNASIO PAVILLÓN DEPORTES

1:20

AUTO-PERRUQUERÍA

XIMNASIO PAVILLÓN DEPORTES

XOGOS POPULARES

PISTA PAVILLÓN DEPORTES

DESCRICIÓN DAS ACTIVIDADES:

HIP/HOP BREAK DANCING: obradoiro que busca que os participantes tomen contacto ou afonden neste estilo de baile. É un baile que combina una serie de movementos aeróbicos e rítmicos, influenciados desde bailes aborixes, artes marciais, ximnasia e o funk.

COCIÑA SAUDABLE: obradoiro dirixido por 3 cociñeiros no que se prepararán diferentes pratos cos que aumentar os nosos coñecementos de cociña que vos servirán para a vosa vida universitaria ou para sorprender a vosa familia facéndolles unha boa cea: ensalada de cabaciño e cenoria con lagostinos e gulas, pasta fresca ali-oli, pasta napolitana, crema de cabaza con lagostino e lascas de parmesano, hamburguesa de polo e verduras…

FÚTBOL 3x3: campionato que se xogará nunha pista de 12x20 m, con porterías pequenas (tipo hockey). As porterías estarán a 3 m da liña de fondo e pódese pasar por detrás delas, hai un semicírculo por diante das porterías onde ningún defensor pode entrar. A duración dos partidos dependerá do número de equipos participantes (4 xogadores por equipo, como máximo). Inscrición de 23.00 a 23.15 h.

CUSTOMIZAXE DE ROUPA: obradoiro que nos ensinará a darlle un toque persoal a nosa roupa.

AUTO-MAQUILLAXE: obradoiro práctico, que vos dará unhas pautas sobre como maquillarse para festas, eventos ou sinxelamente para un día calquera.

AUTO-PERRUQUERÍA: neste obradoiro aprenderedes a facervos diferentes peiteados de festa. É eminentemente práctico.

XOGOS POPULARES: ao longo da noite estarán á vosa disposición unha serie de xogos populares do máis variado cos que divertirvos e competir entre vós.


Todas as novas