A Concellería de Educación organiza obradoiros pirata para os sábados 25 de maio e 1 de xuño

Fecha: 2013-05-20

Organizaranse nas casas da cultura do Grove e San Vicente en horario de mañá e tarde 

Os obradoiros de “obxectos de poliespán” e “seriagrafiado de teas”e van dirixidos a nenos e nenas, de entre 6 e 12 anos, acompañados dun familiar

A Concellería de Educación, en colaboración coa organización do Desembarco Pirata no Grove, pon en marcha dous obradoiros pirata para a rapazada de entre 6 e 12 anos e os seus familiares.

Trátase dunhas xornadas de ocio pensadas para nenos e nenas acompañados dun familiar. Terán lugar os sábados 25 de maio e 1 de xuño nas dúas casas da cultura, Manuel Lueiro Rey, no Grove, e Ángel Vázquez Hereder, en San Vicente.

Son obradoiros dirixidos a fomentar a relación e o recoñecemento entre adultos e nenos, utilizando como ferramentas o xogo e a creatividade.

As actividades, que se realizarán en horario de mañá e tarde están dirixidas a nenos e nenas de 6 a 12 anos e os seus acompañantes.

O prazo de inscrición está aberto na Casa da Cultura Manuel Lueiro Rey ata o 23 de maio ou ata cubrir as 10 prazas dispoñibles por taller.

Sábado 25 de maio: obxectos de poliespán

• Casa da cultura Ángel Vázquez Hereder, de 11.30 a 13.30 h

• Casa da Cultura Manuel Lueiro Rey, de 17.30 a 19.30 h

Sábado 1 de xuño: serigrafiado de teas

• Casa da cultura Ángel Vázquez Hereder, de 11.30 a 13.30 h

• Casa da Cultura Manuel Lueiro Rey, de 17.30 a 19.30 h