LOITO OFICIAL NO CONCELLO DO GROVE

Fecha: 2013-07-25

O Concello do Grove informa de que, por mor da traxedia ferroviaria acontecida onte en Santiago de Compostela e tendo en conta os sete días de loito oficial decretados pola Xunta de Galicia, se suspenden os seguintes actos públicos previstos para esta fin de semana:

• O espectáculo de rúa Peter Punk
• O concerto Zarzuela de Verán

Así mesmo, o grupo de goberno convoca a toda a cidadanía mañá venres a unha concentración silenciosa ás 12 do mediodía fronte á Casa do Concello, na praza do Corgo.

Agardamos contar coa súa presenza para amosarmos xuntos o pesar polo tráxico accidente ferroviario. Queremos manifestar así a nosa mostra de dó por todas as persoas que perderon a vida neste sinistro e transmitirlles o noso apoio e solidariedade ás familias que están a pasar por terribles momentos.

As bandeiras da Casa do Concello ondearán a media hasta e con crespóns negros en sinal de loito oficial polo catastrófico accidente.