Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

A Concellería de Educación clausura esta mañá a Escola de Verán en Inglés con actividades en Moreiras

Os nenos e nenas visitarán o Acuario e o Museo da Salga

A Concellería de Educación clausura esta mañá a Escola de Verán en Inglés cunha festa en Punta Moreiras. Os preto de cen nenos e nenas que asisten este mes ao campamento visitarán o Acuario e o Museo da Salga. Será a partir das 10.30 da mañá.

Os nenos estarán acompañados polos monitores da Escola de Verán e organizaranse por grupos para gozar das visitas. A Escola de Verán en Inglés, que organiza a Concellería de Educación, permitiu a conciliación laboral e familiar de máis dun centenar de familias durante os meses de xullo e agosto, ao mesmo tempo que lles ofreceu aos nenos actividades de lecer para aproveitar as súas vacacións e fomentou a aprendizaxe e a inmersión na lingua inglesa dun modo lúdico.

Durante todo o verán, a Escola de Verán en Inglés organizou numerosas actividades ao aire libre, como excursións á praia, actividades de marisqueo, visitas ao Monte Central da Illa da Toxa etc.


Todas as novas