O Concello do Grove convoca a XXI edición do Premio Manuel Lueiro Rey de Novela Curta

Fecha: 2014-01-17

• O prazo para a presentación dos traballos remata o 17 de maio de 2014

A Concellería de Novas Tecnoloxías, Documentación e Patrimonio do Concello do Grove convoca a XXI edición do Premio de novela Curta Manuel Lueiro Rey.

A partir do luns 20 de xaneiro comezaranse a distribuírse as bases por toda a xeografía galega: concellos, bibliotecas, casas de cultura, institutos de ensino secundario, asociacións de escritores en lingua galega, editoriais, medios de comunicación… O Premio de Novela Curta Manuel Lueiro Rey é un premio literario convocado polo Concello do Grove desde 1992 e que conta coa colaboración da Deputación de Pontevedra.

O obxectivo da convocatoria é honrar a vida e obra do escritor e xornalista e, asemade, coadxuvar na promoción da escrita en galego e na divulgación dos seus autores, a través dun convenio coa editorial Sotelo Blanco. O premio está dotado con 3.000 euros e a publicación da obra gañadora pola editorial Sotelo Blanco.

Poderá concorrer ao premio calquera persoa física que presente o seu texto en lingua galega. As bases, que xa se poden consultar na páxina web do Concello do Grove (www.concellodogrove.com), establecen o prazo límite de presentación dos traballos o 17 de maio. Os textos han ter unha extensión mínima de cincuenta páxinas e máxima de cen, en folio din A4, de dou mil cincocentos caracteres cada páxina, aproximadamente, espazamento entre liñas de 1,5 e as follas deberán de estar paxinadas.

O xurado estará composto por cinco persoas especialistas en literatura. Un deles será o gañador da XIX edición do premio, que é Juan Tallón pola obra Fin do poema, dous persoas nomeadas polo Concello do Grove, e os dous restantes participarán en representación de Sotelo Blanco Edicións. O premio único outorgarase por maioría simple de votos.