Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

O Concello entregou os premios das postais de Nadal

O debuxo de Álex Riveiro Álvarez, de 4 anos, foi o gañador do concurso.

O tradicional concurso de Postais de Nadal que organiza o Concello do Grove entre os escolares da vila chegou este ano á súa XVIII edición. Os premios foron entregados nunha actividade da Casa da Cultura o pasado venres e neles recoñecéronse a creatividade e o talento artístico de rapaces e rapazas de educación infantil e primaria. Os participantes presentaron debuxos sobre o Nadal en técnica libre que estiveron expostos na Casa da Cultura Manuel Lueiro Rey.

De entre todos os participantes o xurado seleccionou un gañador, que nesta ocasión foi Álex Riveiro Álvarez, de 4 anos. O seu deseño converteuse así no protagonista da felicitación de Nadal en forma de postal dixital que se remite desde o Concello. Ademais do gañador, o xurado quixo recoñecer sete accésits:

  • Nora Rubirosa Fernández. 1º de educación primaria
  • Xiana Torres Fernández. 2º de educación primaria
  • Aarón Pazos Dadín. 2º educación primaria
  • Sofía Silva Carballal. 2º educación primaria
  • David Benavides Garrido. 3º educación primaria
  • Paula torres Piñeiro. 4º educación primaria
  • Ainhoa Piñeiro Pereira. 6º educación primaria

Os premiados recibirán bonos para libros e material escolar. As postais participantes estarán expostas ata o final das Festas.


Todas as novas