Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

O Concello do Grove acolle a proxección do documental ‘Yes, We Fuck!’

O vindeiro venres, ás 20.00 horas, a Sala das Cunchas acolle esta actividade das xornadas do Día Internacional das Mulleres.

Dentro das actividades previstas ao longo deste mes co gallo do Día Internacional das Mulleres, a Sala das Cunchas do Concello do Grove acolle este venres, a partir das 20.00 horas a proxección do documental Yes, We Fuck! Trátase dunha peza dirixida por Antonio Centeno e Raúl de La Morena que ten como obxectivo final visibilizar a sexualidade das persoas con diversidade funcional, amosando que o sexo é patrimonio de todas e todos e que debe ser vivido con naturalidade.

O documental xira en torno a seis historias de sexo e diversidade funcional. Segundo describen os propios directores: “trátase de historias reais e diversas onde o sexo se torna unha arma de pracer en pro dos dereitos individuais e colectivos das persoas”. Máis aló da temática, este proxecto permite achegarse á problemática da diversidade funcional. A entrada é de balde ata completar a capacidade da sala.

Máis información>


Todas as novas