Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

O Concello do Grove atende máis de novecentos visitantes na oficina de turismo durante a Semana Santa

Trátase de cifras que melloran as estatísticas da Semana Santa de 2016.

Na pasada Semana Santa, do 10 ao 16 abril de 2017, a oficina de turismo atendeu máis de novecentas persoas que acudiron a este punto de atención aos visitantes na busca de información sobre a vila e a comarca. Lembramos que a oficina retomou a atención no espazo da praza do Corgo logo dunha profunda reforma inaugurada o pasado luns, 10 de abril, cunha imaxe mellorada e máis moderna.

Dun xeito máis concreto, durante a Semana Santa a oficina de turismo da praza do Corgo recibiu 904 visitantes atendidos nun horario de 10.00 a 13.00 e de 15.00 a 18.00 horas, o que supón unha porcentaxe superior aos atendidos na Semana Santa de 2016, cando se contaba con dous empregados para atención da oficina e horario continuo. Entre a información máis demandada están as rutas de sendeirismo e paseos, xunto coas actividades de ocio activo (barcos de pasaxe, por exemplo) e incidindo moito no interese pola paisaxe e a contorna natural do Grove e da comarca.


Todas as novas