Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

Punta Moreiras acolleu esta fin de semana a ‘gradación’ dos rapaces e rapazas de ‘Coñecendo e gozando da biblioteca’

O evento tivo lugar o pasado venres en Punta Moreiras.

O Concello do Grove clausurou o venres 25 de maio a actividade extraescolar “Coñecendo e gozando a biblioteca” cunha festa de fin de curso que tivo lugar en Punta Moreiras. A actividade vénse celebrando desde novembro de 2017 e nela participaron 46 nenos e nenas que o pasado venres recibiron o seu diploma acreditativo do bo aproveitamento do curso.

Durante esa tarde a rapazada realizou unha xincana no Museo da Salga e os seus arredores cunha temática moi concreta: coas treboadas dos últimos días abriuse un burato no mar de onde xurdiu o “Trasno Comegrobits”, polo que os nenos e nenas tiñan que conseguir 12 amuletos (4 por grupo) para acadar un feitizo que fixese voltar o trasno ao buraco. Deste xeito, ademais de incidir na narrativa e no contar historias co que os cativos levan estes meses traballando, contribúese ao traballo en equipo, o compañeirismo e a amizade. Logo diso desenvolveuse a entrega de diplomas, facendo especial fincapé en que os rapaces e rapazas contaron cunhas camisetas moi especiais, deseñadas por eles mesmos, que incluían un símbolo que representa a unión entre a sabedoría e a natureza.


Todas as novas