Saltar ao contido

Esta web só usa cookies propias técnicas, necesarias para o seu funcionamento. As estatísticas de visitas son anónimas e non usan cookies. Máis información no noso aviso sobre cookies.

Aceptar

O Concello do Grove e ANPA repiten a recollida solidaria de xoguetes polo Nadal

As persoas que queiran colaborar, poden deixar os seus xoguetes na rúa Pratería, número 39

O Concello do Grove, a través das concellerías de Educación e Benestar e Igualdade, e das ANPA dos colexios Conmeniño, Valle-Inclán e Rosalía de Castro, das Escolas Infantís de Rons e do Monte da Vila e do instituto Monte da Vila, organizan por segundo ano a recollida solidaria de xoguetes, que pretende garantir que este Nadal non falten sorrisos en ningún fogar do concello.

A recollida de xoguetes farase o mércores, xoves e venres no local da rúa Pratería, 39. As persoas que queiran colaborar, poden deixar os xoguetes en horario de 10.00 a 13.00 horas e de 17.00 a 19.00 horas.

Este é o segundo ano que se organiza esta campaña. Na primeira convocatoria a resposta da cidadanía foi moi importante. Superáronse todas as expectativas e conseguiuse repartir xoguetes entre todas as familias do municipio que o precisaban. Os xoguetes que sobraron repartíronse entre os propios centros escolares –escolas infantís, comedores…-, no centro médico, na biblioteca municipal e a un centro de acollida de mulleres.


Todas as novas